Харин энэ бүхнийг хөнгөвчилсөн, бетоны чанарт дэвшил авчирсан багажийг “Премиум Конкрит” компани оруулж ирэн, үйл ажиллагаандаа нэвтрүүлээд байна. Тус компани нь ACI /америкийн бетоны институт/-ийн гишүүнчлэлийнхээ дагуу Даллас хотод Олон улсын семинарт оролцож байхадаа энэхүү багажтай танилцсан байна. Канад улсад үйлдвэрлэсэн бөгөөд Америк, Европын орнууд болон Арабын Нэгдсэн Эмират улсын барилгын салбарт, Ази тивээс Монгол улс анхлан хэрэглэж байгаа юм байна.  

 

Бетоны суултад хийгддэг сорьцын шинжилгээг хялбарчилах зориулалттай бүтээгдсэн багажийг миксер машины торхонд байрлуулснаар  бетоны хэмжээ, температур, нягт, суулт, торхны эргэлтийн тоо, хөдөлгөөнт чанар зэргийг тухайн газар дээр нь шууд тодорхойлон харуулах боломж бүрддэг аж. 

 

Энэхүү багаж нь мэдрэгч хэсэг, хүлээн авагч, нарны эрчим хүчээр ажилладаг электрон дэлгэц гэсэн 3 хэсгээс бүрддэг.

Мэдрэгч нь бетонд шууд хүрэлцэн, мэдээллийг хүлээн авагч руу дамжуулдаг. Хүлээн авагч нь мэдрэгчээс ирсэн мэдээллийг нарны эрчим хүчээр ажилладаг электрон дэлгэц рүү дамжуулан, үзүүлэлтүүдийг дэлгэцээр шууд харуулдаг байна. Нарны эрчим хүч бүхий үүсгүүр нь багажийг тэжээлээр ханган, тасралтгүй ажиллах боломж олгодог бөгөөд мөн зөөврийн батерей хэрэглэж болох аж.

 

Багажны тухайд миксерт байршуулахад хялбар, зуурмагийн орц, найрлага, чанарын хяналтын нэгдсэн тогтолцоо, хүний хүчийн зүйлээс үл хамаарах автомат, байнгын ажиллагаа, байгальд ээлтэй технологи буюу ажиллах хүч, түүхий эд хэмнэдэг, хог хаягдлыг  багасгадаг зэрэг олон давуу талыг дурдаж болно. 

 

Энэхүү багажийг бүтээсэн эрдэмтэд  “2020 он гэхэд бүх миксер машинууд ийм багажтайгаар тээвэр хийх болно” хэмээн ам алджээ.

 

Технологийн ололт болсон энэхүү багажийг “Премиум Конкрит” компани нь үйл ажиллагаандаа нэвтрүүлснээр харилцагч байгууллагууддаа хүлээн авсан бетон зуурмагтаа сэтгэл хангалуун байх боломжийг олгохын хамт өөрийн орны барилгын салбарт шинэчлэлт хийж, инновацийг хөгжүүлэх үйлсэд хувь нэмрээ оруулж байгаа хэрэг юм.