Улсын хэмжээнд үйл ажиллагаагаа явуулж буй үндэсний 60 мянга гаруй үйлдвэрлэгч, үйлчилгээ эрхлэгчээс шилдгүүдийг тодруулж, батламжилсан энэхүү арга хэмжээг МҮХАҮТ, ҮХААЯ, Оюуны Өмчийн Газар, Монголын Маркетингийн Холбоо хамтран зохион байгуулсан юм. 

 

 

Энэ оны 3 сард зохион байгуулагдсан Монголын Эдийн Засгийн Форумаар “өрсөлдөх чадвар, бизнесийн орчин, эдийн засгаа яаж сайжруулах вэ?” гэсэн ерөнхий бодлогоос гадна олон улсын зах зээлд өрсөлдөх чадвар бүхий Монгол үндэсний брэндийг бий болгох асуудлыг онцлон авч хэлэлцсэн нь энэ жилийн форумын шинэчлэлт болсон билээ. 

 

Олон улсад хүлээн зөвшөөрөгдсөн брэнд бүтээгдэхүүнд тавигдах хамгийн эхний шаардлага бол тухайн бүтээгдэхүүн Олон Улсын стандартыг хангах болон хэрэглэгчдэд хүлээн зөвшөөрөгдөх явдал юм. 

Энэ 2 шалгуурыг бүрэн хангасны дараа брэнд үүсэх нөхцөл бүрэлддэг билээ.

 

Барилгын салбараас тодорсон “Премиум Конкрит”  брэндийг дэлхийн зах зээлд гарах эхний алхамуудаа хийж эхэлсний учир онцолж байна. Учир нь оны өмнөхөн тус бүтээгдэхүүн чанараараа олон улсын стандарт, шаардлагад бүрэн нийцсэнийг баталгаажуулсан “Тохирлын гэрчилгээ”-г Америкийг Үндэсний Бетон Зуурмагийн Ассосиацаас       /NRMCA/ ирүүлсэн юм. 

 

Өнөөдөр Монгол улсад дэлхийн хэмжээний олон давхар зочид буудал, сүлжээ байгууллагууд гээд олон улсын стандарт, шаардлагад нийцсэн барилгууд баригдахаар болж, бүтээн байгуулалтаа эхлээд байгаа билээ. Тэд  үйлдвэрлэгч, түүхий эд нийлүүлэгчдэд Олон улсын  стандарт шаардлага хангасан байх шаардлага тавьдаг. 

 

Энэ шаардлагад нь нийцэх үйлдвэр, түүхий эд үйлдвэрлэгч саяхныг хүртэл манай улсад байгаагүй бол “Премиум Конкрит”  компанийн бетон зуурмагийн үйлдвэрүүд Олон улсын стандарт хангасан үйлдвэрлэгч, нийлүүлэгч болж чадсан төдийгүй, барилгын салбартаа Стандарт хангасан бетон үйлдвэрлэгч, Гэрээний үүргээ ягштал биелүүлэгч гэдгээрээ танил болжээ. 

 

“Премиум Конкрит”  брэнд зах зээлд нийлүүлэгдээд удаагүй ч олон улсад хүлээн зөвшөөрөгдөх эхний алхамуудаа амжилттай  бүтээж чадсан нь брэнд бий болоход цаг хугацаа чухал бус алс хэтийг харсан зөв бодлого, зөв менежментийг  дэлхийн шилдэг технологийн дэвшилтэй хослуулан ажиллавал амжилтанд хүрч болохын жишээг бусаддаа үлгэрлэж байна. 

 

Ирэх жил Үндэсний Шилдэг брэндээр Олон улсын стандарт шаардлага хангасан, импортыг орлон, цаашдаа экспортод гарах, Монголоо илэрхийлсэн олон шилдэг брэндүүд төрнө гэдэгт итгэлтэй байна. 

 

Ж.Оюунчимэг